توكـ تذكرتـ

موضوع: توكـ تذكرتـ الثلاثاء أغسطس 12, 2008 7:16 pm

من قبل شهرين يالغلا والحين جيت
توك تذكرت خلك عقب ما وقتك رماك

مستحيل إني أسامح لو تعذرت وبكيت
ومستحيل أقبل حبيبي لو يطول بي رجاك

ذاك أول كنت أسامح وأعتذر لك لو خطيت
راح وقتك يا عشيري وراحت أيامه معاك

انتهى حبك بقلبي يا محبي وانتهيت
صدك وبعدك تساوى في عيوني مع رضاك

صرت عندي شخص عادي لاعشقت ولاهويت
روح عن دربي وبعد دام هذا مستواك

جيت لك طالب محبه وانته ببعادي بغيت
كنت أبادلك المشاعر وأنت تعطيني جفاك

ذوق غلطات المحبه دامك بهجري بديت
طار طير الحب وابعد صار في عالي سماك

أنت بعت الحب دوني يا محبي واشتريت
لاتحسب إني ابتعت يالغضى وأجري وراك

غيرك بقلبي تمكن من غلا قلبي وعطيت
صادق الاحساس عنده غير عنك وعن هواك

كم سقاني في المحبه لين من حبه ارتويت
صرت في عينه محب وصار في عيوني ملاك

مارضا بمحبوب غيري وانا غيره ما رضيت
من كثر ما صار غالي والله نساني غلاك

صدق انه كان ودي اخبره عنك ونسيت
كنت أبحكي عن غرامك لكن الخاطر نساك

كلما جيت آتذكر قال لي كلمه وبيت
مابقالك في خيالي شي يجذبني جداك

عقب كل اللي فعلته جاي تترجى ياليت
وش يفيد العذر دامك ماتقدر من عطاك

مشكوووووووووووووووووره

على الكلام الجميل

حاظرين لكـ اخويـ

موضوع: رد: توكـ تذكرتـ السبت أغسطس 16, 2008 12:37 am

تسلم يدج اختي على الشعر الحلو

موضوع: رد: توكـ تذكرتـ السبت أغسطس 16, 2008 3:14 pm

صح السانج اختي

موضوع: رد: توكـ تذكرتـ الأحد أغسطس 17, 2008 7:58 pm

صح بدنك

يسلموو ع المرور